Удзельнікам конкурсу даступна магчымаць прапанаваць аналітычныя матэрыялы на падобныя тэмы, аднак прыярытэт пры адборы concept notes будзе аддавацца тэмам, пазначаным вышэй.

Ганарар за напісанне артыкула – 750 EUR. У рамках конкурсу будзе аплачана напісанне пяці артыкулаў.

Вы можаце прыняць удзел у конкурсе, калі:

1. Вы займаліся выкладчыцкай ці даследчай дзейнасцю ў адной з наступных інстытуцый Беларусі:

• Акадэмія навук, дзяржаўныя ці прыватныя ўніверсітэты;
• гістарычныя архівы і музеі (на пасадзе навуковага супрацоўніка);
• аналітычныя цэнтры;
• арганізацыі грамадзянскай супольнасці.

2. Вы не можаце працягваць займацца даследаваннямі праз рэпрэсіі, звязаныя з вашай палітычнай і грамадзянскай пазіцыяй (са жніўня 2020 года). Да гэтага адносяцца звальненне і непадаўжэнне выкладчыцкага/даследчага кантракту, ціск з боку адміністрацыі, неабходнасць пакінуць краіну з-за пагрозы асабістай бяспецы і свабодзе і г.д. Арганізатары разглядаюць кожны выпадак індывідуальна і не абмяжоўваюцца прыведзенымі вышэй прыкладамі.

Звярніце ўвагу: арганізатары не могуць выплачваць ганарар навукоўцам, якія ўжо атрымлівалі фінансавую падтрымку ад SCIENCE AT RISK Emergency Office.

Графік

31 жніўня – канчатак прыёму concept notes
8 верасня – інфармаванне аплікантаў/ак аб выніках разгляду concept notes
31 кастрычніка – крайні тэрмін здачы аналітычных матэрыялаў

Патрабаванні да concept note

Concept note — гэта кароткае апісанне асноўнай ідэі матэрыялу, які вы хацелі б прапанаваць для ўдзелу ў конкурсе.

• уключае кароткае ўвядзенне ў праблематыку тэксту, асноўныя даследчыя пытанні ці тэзісы, якія будуць раскрыты ў тэксце, прыблізнае апісанне метадалогіі і эмпірычнага матэрыялу, на аснове якіх зроблены высновы;
• аб’ём дакумента — не больш за 2 старонкі тэксту ў фармаце .pdf.

Патрабаванні да артыкула

• аб’ём ад 7000 знакаў
• матэрыял павінен быць арыгінальным і неапублікаваным раней

Падача дакументаў

Каб прыняць удзел у конкурсе, запоўніце анкету і загрузіце concept note па спасылцы тут.