28-30 верасня ў Вільні адбудзецца канферэнцыя «Дэкаланізацыя адукацыі і навуковых даследаванняў у Беларусі і Украіне: тэарэтычныя выклікі і практычныя задачы», сумесна арганізаваная Еўрапейскім гуманітарным універсітэтам (Вільня, Літва), Украінскім каталіцкім універсітэтам (Львоў, Украіна) і Карлавым універсітэтам (Чэхія, Прага).

Канферэнцыя мае стаць месцам для адпаведных міждысцыплінарных дыскусій і тэарэтычнага высвятлення ўмоваў і спецыфічнага сэнсу ўжывання канцэпту дэкаланізацыі ў адносінах да грамадстваў Беларусі і Украіны. Практычнае вымярэнне канферэнцыі звязана з неабходнасцю адказу на пытанне: як менавіта павінна ажыццяўляцца дэкаланізацыя ў адукацыі і сацыяльна-гуманітарных даследаваннях?

На канферэнцыі прапануецца абмеркаваць наступныя пытанні:

• Вынікі і ўрокі посткаланіяльных даследаванняў у Беларусі і Украіне;
• Украінскі даваенны досвед дэкаланізацыі ў адукацыі і навуцы;
• Дэкамунізацыі, дэсаветызацыі, дэкаланізацыя;
• Досвед субалтэрна як новага «зборачнага пункта» над старымі рэгіянальнымі падзеламі – ад Цэнтральнай Азіі да Цэнтральнай Еўропы;
• Канец «постсавецкасці» і рэцэнтралізацыя ўсходнееўрапейскіх даследаванняў;
• Дэкаланізацыя, нацыятворчасць, еўрапеізацыя – скрыжаванні і парадоксы;
• Дэкаланізацыя ў школьнай адукацыі: стварэнне нацыянальнага канону і касмапалітычная перспектыва;
• Універсітэт як пляцоўка і рухавік дэкаланізацыі;
• Задачы дэкаланізацыі і рэгіянальнае супрацоўніцтва;
• Феномен самакаланізацыі ў навуковых даследаваннях: усходняя і заходняя версіі;
• Пераадоленне парадыгмы «постсавецкасці» і перспектывы беларускіх і ўкраінскіх даследаванняў у глабальным кантэксце.

Канферэнцыя прадугледжвае наступныя фарматы: дыскусіі, тэматычныя панэлі, працу ў групах.

Прымаюцца заяўкі на:

• арганізацыю тэматычных панэляў,
• арганізацыю дыскусій,
• індывідуальныя даклады.

Працоўныя мовы: англійская, беларуская, украінская.
Тэрмін падачы заявак: да 15 ліпеня 2023.

Для таго каб прыняць удзел у канферэнцыі ў якасці выступоўцы, арганізатара панелі ці дыскусіі неабходна запоўніць анлайн-форму.

Пры неабходнасці ўдзельнікі канферэнцыі могуць атрымаць падтрымку (travel grant памерам 400€) для ўдзелу у канферэнцыі.

На падставе канферэнцыі плануецца падрыхтаваць спецыяльны нумар часопісу Topos.

Усе пытанні, звязанныя з канферэнцыяй, можна дасылаць на электронны адрас: decolonization-conference@ehu.lt

Больш падрабязная інфармацыя аб канферэнцыі

Арганізатары:
Еўрапейскі гуманітарны ўніверсітэт, Вільня
Украінскі каталіцкі ўніверсітэт, Львоў
Карлаў універсітэт, Прага