Праект «Васьміног» завяршыў працу над першым этапам грантавага конкурсу адукацыйных праектаў. Пасля ўсіх этапаў ацэнкі пры ўдзеле незалежных экспертаў і арганізацый-партнёраў «Васьмінога» падтрымку атрымалі 15 праектаў са 113 заяўленых.

Агульная сума падтрымкі склала больш за 280 тысяч еўра, геаграфія праектаў уключае Беларусь, Польшчу, Літву, Грузію, Эстонію і Германію. Сярод пераможцаў праекты, звязаныя з рознымі напрамкамі ў школьнай адукацыі, а таксама накіраваныя на ўкараненне і асваенне настаўнікамі інтанацыйных метадаў навучання.

Вось некаторыя з праектаў:

• навучанне дзяцей школьнага ўзросту з аўтызмам;
• стварэнне адукацыйнага і інавацыйнага відэакантэнту для вывучэння беларускай мовы і гісторыі, гуманітарных дысцыплін для школьнікаў;
• падкаст па біялогіі на беларускай мове (серыя творчых праграм для школьнікаў);
• распрацоўка праграмнага зместу гісторыка-сацыялагічнага і філалагічнага блока для настаўнікаў;
• стварэнне падручніка па геаграфіі для старэйшых класаў;
• падтрымка маладзёжнага клуба;
• арганізацыя летняга лагера і нядзельнага клуба для беларускіх школьнікаў у Літве і Польшчы;
• падтрымка некалькіх школ выхаднога дня ў розных гарадах і краінах.